Page 46 - Djaweps 20 september 2018.pdf

46 Djaweps 20 Sèptèmber 2018
Gobièrnu no ta para garantia pa fiansanan di Qredits

WILLEMSTAD.- Ministerio fiansanan di Qredits, Esaki na fiansa ku a keda otorgá na medionan di komunikashon e bishita resien di Minister
di Desaroyo Ekonómiko refiriendo na publikashon empresarionan. tokante di e kolaborashon Martina na Qredits en
ta splika ku gobièrnu siman pasá, na okashon di Gobièrnu ta referí na entre Qredits i Gobièrnu di konekshon ku selebrashon
no ta para garantia pa selebrashon di 1 mion florin artíkulonan publiká den Kòrsou. Esaki relashoná ku di un di e logronan di e
fundashon, kual ta un total
di 1 mion florin na fiansa
otorgá na empresarionan aki
na Kòrsou. Lástimamente
gobièrnu a konstatá ku sierto
publikashon tabata kontené
informashon inkorekto
di echonan. Qredits ta un
fundashon ‘non-profit’ ku for
di 2009 ta ofresé fiansa na
empresarionan na Ulanda.
Miéntras tantu kasi 13.000
empresario a keda finansiá
pa un montante total di 260
mion euro.
E fondonan ku Qredits
ta disponé di dje pa hasi
e fiansanan aki posibel a
keda fasilitá dor di Gobièrnu
ulandes, nuebe kompania
di seguro ulandes, Banko di
Invershon Europeo i ‘Council
of Europe Bank’.
For di 2015 Qredits ta
finansiando empresarionan
na Boneiru, Kòrsou, Aruba
i Islanan Ariba. Qredits ta
atministrá e fiansanan aki
for di Ulanda.
E publikashon indikando
ku Gobièrnu di Kòrsou a
invertí 1 mion florin den
Qredits ta inkorekto. Qredits
ta invirtiendo miónes na
kapital atkirí na Ulanda i
Europa den e islanan ariba
menshoná.
Tampoko no ta kuadra ku
Gobièrnu di Kòrsou ta para
garantia di un manera òf otro
pa e fiansanan ku Qredits
ta otorgando na Kòrsou. E
garantianan ku Qredits ta
disponé di dje ta danki na
Fondo di Invershon Europeo
(EIF) kende a hasi esakinan
posibel via di diferente
akuerdonan di mikro-fiansa.
Komo gran eksepshon,
Qredits a haña aprobashon di
EIF pa apliká e garantianan
aki tambe pa e fiansanan
otorgá na Kòrsou, Aruba,
Boneiru i Islanan Ariba.
Qredits a risibí un
supsidio di Ministerio
di Desaroyo Ekonómiko
(MEO) di Kòrsou pa kubri e
gastunan pa establesé i inisiá
e operashonnan di Qredits na
Kòrsou. E meta di esaki ta pa
Kòrsou tin su propio instituto
finansiero ‘non-profit’, kual
den un par di luna di tempu
a lográ otorgá un total di 1
mion florin na fiansa na
diferente empresario lokal.
Qredits ta hopi orguyoso di
por aportá di e manera aki
na e desaroyo ekonómiko di
Kòrsou i yuda krea mas kupo
di trabou. E tim di Qredits
Kòrsou ku hopi entusiasmo
ta kla pa sigui sirbi e sektor
empresarial!