Page 27 - AM190223
P. 27
Diasabra, 23 Februari 2019 AWEMainta Deporte 27
Tenistanan Sofie van Reek
y Danna Nunez a keda na
di 8 lugar den e Junior Fed
Cup pre-qualifying event di
COTECC na El Salvador
RECIENTEMENTE e tenistanan Sofie van Reek y Danna Nuñez
a competi den e Junior Fed Cup pre-qualifying event di COTECC.
Mester bisa cu nos tenistanan a habri e prome rond di e torneo den
bon forma unda nan a gana e pais di Nicaragua.
Despues nan ta cay venci contra e pais anfitrion El Salvador, pero
asina mes a logra pasa p’e main draw como di e dos mihor clasifica.
Den e main draw Aruba a topa Puerto Rico cu tabata number 5
clasifica den e torneo aki. Den e wega aki Sofie y Danna ta cay
venci y ta keda afo di e siguiente rond. Un bon prestacion sigur di
nos tenistanan femenino van Reek y Nuñez.
Stichting Sportsubsidie Aruba ta contento di por aporta y brinda
e ayudo na e federacion di Aruba Lawn Tennis Bond cu e biaha di
nan atletanan Sofie van Reek y Danna Nuñez pa e Junior Fed-Cup
pre-qualifying na El Salvador.