Page 47 - Djabierne 23 november 2018.pdf

Djabièrnè 23 Novèmber 2018 49
Tesorero lo no laga e fli aki subi

Ke hinka asuntu di froude den STU den lachi pa esaki no bira un bululú

WILLEMSTAD. - Ora pa ora e tenshon den e organisashon di sindikato di shofùrnan di bùs STU ta subi. Despues ku un parti
di e direktiva di STU di kua
e tesorero ta forma parti di
dje a logra pa CGTC guia e
proseder di e elekshon ku
lo mester tuma lugá otro
luna, tur kos ta indiká ku
ni ku CGTC su supervishon
no ta logra desenmaskará
e presidente aktual di e
sindikato pa ku kosnan ku
na nan opinion no por mira
lus di dia.
E tesorero ku no por keda
kla ku su relato finansiero
pa motibu ku tin hopi
plaka ku e presidente no
por responsabilisá. Awor ta
parse ku ke hinka asuntu di
froude den STU den lachi
pa esaki no bira un bululú i
esaki ku bendishon di CGTC,
asina e tesorero a duna di
konosé.
Tabatin dos sindikalista
den representashon di CGTC
ayera durante nan reunion di
direktiva di STU kaminda ku
einan lo mester a konvoká e
elekshon pa otro luna, e dos
representantenan aki lo a
hasi un apelashon na e otro
miembronan di direktiva
pa pone e asuntu di posibel
froude den “doofpot” i a pidi
tur hende pa kuminsá ku un
kuenta nobo pa STU.
Esaki a kai den mal
tera pa e tesorero ku si ta
kombensí di kosnan robes
ku a tuma lugá pa ku
fondonan di e sindikato aki.
Djadumingu awor ta e
último dia pa esnan ku ke
postulá nan mes pa direktiva
i entre otro Presidente nobo
pa STU, pero ta tene esaki
manera skondí pa no haña
hopi hende interesá pa e
puestonan.
Segun e tesorero e
presidente aktual ta
drentando den kontakto ku
solamente esnan ku e ta
bon kuné i nan e ta duna
e formulario pa konvoká e
elekshon i pa e otronan e no
ta bisa nada.
Total tin mas o ménos
300 shofùr di bùs i mayoria
no sa ku djadumingu awor
ta e último dia pa postulá pa
e puestonan vakante den e
direktiva nobo
E elekshon mes ta dia 9
di desèmber benidero, pero
te ainda no a keda konvoká.
Kosnan ta kanando
kontra di e reglanan di kas
di STU i e tesorero a indiká
ku e lo no laga e kos aki
tuma lugá sin ku tin klaridat
riba fiansa di STU pa sa den
detaye unda tur plaka a bai.