Page 24 - MIN.VOS

Pagina 22 Diasabra 18 Februari 2017
OFF Road Aquathlon

RENZE POSTMA Y LINDA SMITH

TA GANA E GUARDIAN GROUP OFF ROAD AQUATHLON

Aruba Triathlon Association a organisa dia 11
di februari 2017 e Guardian Group OFF Road
Aquathon na Arashi.

61 atleta a competi cu otro den landamento y
coremento.

E atletanan den Sprint Distance mester a core
4.4 km, landa 750 m y bolbe core 2.6 km.

Tawatin 28 atleta individual y 3 team di relevo
adulto.

E atletanan den Super Sprint Distance mester
a core 2.2 km, landa 375 m y bolbe core 1.3
km.

Tawatin 17 atleta individual y 3 team di relevo
kids y 2 team di relevo adulto

A landa na Arashi y e ruta di coremento tawata
canto di costa direccion di Faro.

Ganador Overall Masculino

Den categoria Overall Masculino, Renze
Postma ta gana den un tempo di 42.40

Na di dos lugar a keda Giannon Eights cu
44.34 y na di tres lugar a keda Romar Arnedsz
45.02

Female Open

Den categoria Femenino, ta gana Linda Smith
den un tempo di 54.56.

Na di dos lugar a keda Alyssa van den Bosch
cu 57.56 y na di tres lugar a keda Sandra
Postma 1.01.04.

Aruba Triathlon Association kier a gradici
su sponsornan Lotto pa Deporte y Guardian
Group pa a patronisa e OFF Road Aquathlon
aki.

Tambe un danki grandi ta bay na tur esnan cu
boluntariamente a yuda pa por a haci e evento
aki exitoso!!

No por keda sin gradici e mayornan y amigonan
cu a bin apoya e participantenan!
Danki special ta bay na nos fotografo Anno
Postma cu a percura p’e bunita potretnan.

Na maart lo bay tin 2 evento:

- Diasabra, 11 di maart Guardian Group
Aquathlon Kids, Rodgers Beach 7:00 am.

- Diadomingo, 12 di maart Guardian
Group Sprint Triathlon, Boca Cathalina 7:00
am.