Page 25 - WEB
P. 25
Tin tur motibo pa Mike de Meza bisa, pakico el a dicidi pa bay hinca Aruba den e
aventura di Citgo y pakico hasta ora su amigonan manera Asdrubal Chavez a bisa cu e
proyecto no ta factibel, a sigui insisti cu ta e gobierno actual a malogra e proyecto.
Ta bon pa Mike de Meza realisa cu berdad semper ta sali na cla y cu Aruba no a keda
sin haya confirmacion cu ta un mundo di fantasia el a crea y cu el a abusa di e
confiansa di e Arubiano autentico, cu no por a kere cu ta un show di mentira a basha
riba Aruba.
E sabiduria di Mike de Meza, di acuerdo cu su Curriculum Vitae ta condena su persona
como un di e autornan principal den e problema serio cu el a crea pa Aruba cu
introduccion di e baca di lechi di Nicolas Maduro na Aruba.
Na luga di ta busca pelea y haci su mes ridiculo cu su campaña di hunga sabi contra tur
otro hende, e mester realisa cu conocemento riba tur tereno y sigur mundo di petroleo
ta condena e hecho cu el a trece Citgo y e grupo criminal rond di e compania, Aruba.
Mike de Meza no por bisa cu ta pa falta di conocemento el a trece Citgo Aruba.
Democracia no conoce secreto cu el a uza te den Parlamento pa Citgo drenta sin e
investigacion cu Aruba mester a haci ora Parlamento mester a haci su trabou cu de
Meza a stroba.
Na e momento aki e mester ta e ultimo cu ta crea mas intrankilidad na Aruba, cu
hamas a kere cu un dia e lo a wordo destrui pa un proyecto yama Citgo.
Aruba ta warda un splicacion prome cu autoridad di otro pais bati na porta.
https://www.diario.aw/2019/06/pakico-mike-de-meza-a-faya-cu-citgo-y-crea-desaster-pa-aruba/
