Page 15 - ATA
P. 15
Augustus 8, 2019
www.awemainta.com
www.facebook.com/awemainta
noticia@awemainta.com
583-1400
Ocean Villas Resort rebibando coralnan
y cu plan pa re-planta mangrove
CORALNAN ta provee un cas p’e piscanan y ta proteha
nos costa di erosion y mata di mangrovenan ta proteha for
di tormenta y bientonan fuerte di horcan. Mangrovenan
ta stabilisa e sedimentonan cu nan raisnan. Tur dos el-
ementonan aki ta mantene nos awa cla y di calidad, dor di
filtracion di e sedimentonan.
Pero cu desaroyo di nos turismo hopi biaha tanto e coral
como e mangrovenan ta keda menasa. Na Ocean Villas Re-
sort na Aruba, un proyecto ta na caminda pa transplanta
coralnan bibo riba coralnan cu ta muriendo dunando nan
bida atrobe y un program pa replanta matanan di man-
grove. Cu e turismo di Aruba como un sector importante
di Aruba su economia, e reto di balancia crecemento eco-
nomico conhuntamente cu proteccion di nos medio ambi-
ente ta crucial.
Ya nan a cuminsa na the Ocean Villas, di colecta e coral-
nan cu a crece den e “nursery” y transplanta riba partinan
morto, cu awor ya caba ta floreciendo y creciendo rapidam-
ente. Pa por yuda den e esfuersonan pa tin un produccion
mas exitoso di e coralnan nobo aki, a tuma contacto cu
expertonan di e Universidad di Alemania cu pronto lo bin
Aruba pa duna un man den e proyectonan aki.
“Si nos por hacie aki, nos por motiva otro hotelnan pa haci mescos.
Pa cuminsa pensa pa cuida nos ocean y e bida den dje”, asina sra.
Osyth Henriquez propietaria di Ocean Villas a bisa yen di entusi-
asmo cu su proyecto.
Sra. Henriquez a tuma contacto cu dr. Christiaan Prober, un Marine
Biologist cu ta traha hunto cu Institute for Tropical Ecology na Ale-
mania y pronto lo e ta na Aruba pa explora mas posibilidadnan p’e
criamento di coral y e re-platacion di mangrove den area di e resort.
