Page 81 - ATA

ORANJESTAD (AAN): E siman aki, e portal di Cosmopolitan a dedica atencion completo
na Renaissance Island na Aruba, cu nan ta yama “Flamingo Beach Aruba”. Nan ta bisa
cu esaki ta e lugar cu tur hende ta papia di dje. Y danki na Instagram, e imagennan di
e flamingonan canando libremente mey-mey di turistanan riba beach, a bira un

sensacion.

Cosmopolitan a traha un relato pa asina splica tur su lectornan, unda Flamingo Beach ta
situa, con pa yega eynan, y kico pa haci ora bo yega eynan.

E articulo skirbi pa Dusty Baxter-Wright, ta mustra cu Flamingo Beach ta situa riba un
isla chikito net dilanti Aruba. E ta splica cu e isla ta pertenece na Renaissance Aruba
Resort, y ta recomenda e turistanan pa busca un camber eynan. E hotel tin 556

camber, como tambe un Casino y tres Beach Bar, spa, health club, y mas.

Esnan cu no ta hospedando na e Hotel, por bishita e beach pagando un suma pa bay
riba dje. Ora cu e Hotel no ta completamente yen, nan ta ofrece 30 ticket pa

bishitantenan bay eyriba.

A ser mustra cu e flamingonan ta hopi acostumbra cu e hendenan, y lo no core bay si
bo kier saca un potret cu nan. Tin hasta un machine pa bende cuminda di parha, cu bo

por alimenta e flamingo cu nan. E revista a splica cu Flamingo Beach ta pa adulto
solamente, pero muchanan por bishita eynan entre 9:00 am y 10:00 am tur dia. Nan
ta recomenda pa bay mira nan 8:00 am, pasobra e ora e lugar ta menos druk.

Cosmopolitan ta mustra cu e isla ta habri di 7:00 am te cu 6:00 pm tur dia, pues bo por
bay pasa 11 ora riba Flamingo Beach si bo ta desea esey.

https://www.diario.aw/2019/08/revista-cosmopolitan-cu-spotlight-riba-flamingo-beach-di-aruba/