Page 23 - AWEMAINTA
P. 23
Diabierna, 17 Mei 2019 AWEMainta 23
Restaurant Anno 1877 a habri su
portanan na Wilhelminastraat
E restaurant Anno 1877 ta situa den
un edificio historico di siglo XVIII na
Wilhelminastraat na Oranjestad. E in-
auguracion oficial di dia 5 di mei a tuma
lugar den presencia di amigo y conocir-
nan durante dos ora di cocktail hour cu
algun snacks sabroso.
E cas di cunucu antiguo cu antes tabata
e hogar di Cuba’s Cooking, awor ta host
chef Linda Pool kende ta wordo respalda
pa chef y socio Annie de Weerd, y sous
chef Patricia Werleman.
Chef Linda tin su fiel siguidornan local,
un clientela cu ta gusta e cuminda Fran-
ces/internacional, y ta gusta atende su
eventonan culinario mensual, cu tambe
lo continua n’e localidad nobo.
Chef Linda cu tabata encarga cu e cushi-
na di Chez Mathilde, a bay riba su mes
y a maneha Twister Cafe pa algun aña
y despues e Food & Beverage di Talk of
the Town, cu lo keda habri te cu fin di
e aña aki, pero recientemente un amiga
a conte di e localidad historico di Anno
1877, asina convenciendo e pa haci e
cambio.
Linda a informa cu su ruman homber,
bartender Henk Pool, a fungi como e
carpinte y a traha e mesa y stoelnan rus-
tico. Romalo de Graav, kende t’e Maitre
D’, ta un cara familiar cu anteriormente
tabata na Wilhelmina.
Keda pendiente p’e Asparagus Menu
cu pronto lo keda cla, y despues di un
evento exitoso di Dia di Mama cu un
cantidad di snacks delicioso.
E tres cunucu dining rooms tin capaci-
dad pa solamente 32 reservacion, asina
ta yama prome cu bo sali di cas.
