Page 5 - MIN ARENDS

Pagina 10
BENNY NISBET , LIDER DI PPA:
‘ ARUBA SU MANEHO LABORAL TAMBE ………PA E
PROXIMO NIVEL !!’
PPA ta desea di felicita cada trahador pa
e dia di labor cu a wordo celebra dialuna, 1
di Mei 2017. Nos ta spera cu cada trahador
a celebra e dia aki debidamente pero cu
na mes momento cu a haci un analisis na
unda e trahador riba nos isla tabata y na
unda cu nos pueblo trahador ta desea di
bay den futuro como status cual ta encera
tambe su derecho- y debernan. Tambe
PPA ta felicita nos pensionadonan cu tur ta
ex - trahador di nos pais! PPA a haci nos
propio analisis cu nos ta desea di comparti
cu nos pueblo trahador p/m di e articulo
aki.
RAPPORT I.L.O ANNO 2005 ENCUANTO
DI SISTEMA C.P.I VERSUS SISTEMA DI
N.A.W.I ??
PPA ta desea di expresa algun pensamento
relaciona cu e status di trahador riba nos
Isla. Aruba conoce un salario minimo cu
ta wordo adapta segun e inflaccion dicta
su necesidad…! Pero locual ta yama
atencion di PPA pa hopi aña ta e ponencia
di I.L.O. den su rapport di 2005 den cual e
ta splica cu Aruba conoce un sistema den
cual ‘Aruba creates poverty & maintains
poverty’ pasobra e sistema basa riba e
asina yama CPI.(consumer price Index)
no ta permiti pa un parti grandi di nos
pueblo comparti den locual nos ta yama
e ‘progreso di nos pais’!! Segun I.L.O.
den e rapport aki cu e sistema di C.P.I no
ta na bienestar di grupo manera esnan
cu ta cobra salario minimo, onderstand,
pensioen etc. cual grupo ta depende riba
un asina yama aumento di entrada pa
medio di indexering y cual indexering ta
basa riba e asina jama cifra di inflacion.
I.L.O a propone na pais Aruba pa tene un
discusion nacional encuanto introduccion di
un sistema cu yama NAWI…esta National
Average Wage Index….cual sistema
si lo garantiza cu cada trahador, cada
pensionado, cada persona cu ta cobra
‘onderstand’ etc lo ricibi un parti di locual ta
wordo yama e parti di progreso economico
anual di un pais. Un vez mas esaki no ta e
caso na Aruba…… un grupo grandi No ta
comparti den e progreso nacional di nos
pais…..ricibi Indexering basa riba e cifra di
inflacion NO ta significa cu bo ta comparti
den progreso di nos pais !
Naturalmente por reacciona riba e
ponencia aki y declara cu un grupo grandi
ta wordo representa pa sindicato y ta
forma parti di negociacion di C.A.O. den
cual ta regla ‘derecho y deber’ di trahador
segun cu e compania progresa!! Esaki ta
berdad!! PPA mes a crea e ley aki pa asina
trahador por wordo representa y negocia
pa medio di nan sindicato. Realidad ta
sin embargo cu hopi trahador ainda no
ta wordo representa pa un sindicato!! Un
parti grandi di esnan cu nos y rapport
I.L.O. ta referi na dje ta esnan cu ta cobra
onderstand, hopi di esnan cu ta cobra un
salario minimo y mayoria di esnan cu ta
cobra un pensioen basico (AOV) so no
ta wordo represante pa sindicato cu algun
excepcion!! Y na mes momento cu un
C.A.O. ta referi na porcentahe di inflacion
cual ta wordo refleha den indexering, nan
ta den e mesun boto cu I.l.O. ta referi na
dje.
PPA a haye hopi straño cu den curso di
e ultimo 12 aña cu representacion sindical
Arubano NO a tene na e mensahe den
rapport I.L.O y demanda un analis riba
Diasabra 6 Mei 2017
e topico aki?? Ni signatura di MEP Ni
signatura di AVP tampoco no a dedica
atencion na e problematica aki cu ta di
suma importancia pa e trahador riba nos
isla!!
PPA ta keda ripiti nos lo desea un
discusion nacional riba e topico aki
pasobra e mensahe di I.L.O anno rapport
2005 ta indica cu un grupo grandi di
trahador Arubano ta ‘miss the boat’ keto
bay y un grupo chikito so ta participa den
e progreso eventual di nos pais!! Y esaki
mester wordo bon analiza!!
MIENTRAS E TRAHADOR ARUBANO
A SACRIFICA PA SOLUCCIONA
PROBLEMATICA GOBIERNO A
BAHA GASTO….Y CORE PA SU
RESPONSABILIDAD!!
Gab. Mike Eman ta pretende cu nan lo a
salba e fondo di APFA y e fondo di A.O.V
!! Pero nan No ta splica pueblo cu ta e
trahador mes ta esun cu a wordo sacrifica
despues cu e maneho general di tanto
signatura berde (AVP) y signatura geel
(MEP) nan maneho financiero y e no
adaptacion di esaki durante añas y e politica
cu a wordo hunga a hinca e fondonan
den problema hopi serio. Realidad ta cu
gobernacion no a sacrifica pa solucciona
e fondonan aki. Ta e trahador Arubano
so……. ta esun cu a wordo sacrifica pa
soluciona e problematica aki!!