Page 6 - RDA JAN 16
P. 6
PDVSA/CITGO lo reuni cu gobierno
otro siman riba liña di gas pa refineria
Posted on 01/16/2017 11:06 am AST | Updated on 01/16/2017 11:08 am AST
ORANJESTAD - Otro siman un delegacion di
CITGO/PDVSA lo bin Aruba pa atende cu e proyecto di liña
di gas cu tin cu core di Venezuela pa Aruba manera acorda.
"E ta un proyecto sumamente grandi cu ta costa alrededor
di 150 pa 200 miyon dollar" minister di energia Mike de
Meza a sigura NoticiaCla.com dialuna mainta. E refineria lo
tin e energia di gas, enbez di heavy fuel oil ora e cuminsa e
startup di e refineria. "E ta un cambio di dia pa anochi pa tur
esnan cu ta biba den e area di refineria y pa Aruba y sigur
pa nos medio ambiente. For di comienso di e negosacion pa
e reapertura, esaki tabata un hecho unda cu kier a cambia e
forma di haya energia pa opera e refineria y a papia riba un
pipa/liña di gas. No a tende nada mas, sino te e siman aki
ora cu minister a anuncia cu e delegacion encarga cu e
proyecto aki, lo ta na Aruba pa atende cu e parti aki.
