Page 26 - HOH

Auto di Polis a dal duro den Baleno y chauffeur ta
gravemente herida banda di Refresqueria Mayor

Sunday, 11 December 2016 21:19
Comparti

Diadomingo anochi algo pasa di 8or a sosode un accidente basta grave na e crusada di Weststraat cu
Koningstraat. Esaki ta net pabou di Refresqueria Mayor.

Un auto di Polis bayendo poco pura a dal masha duro mes den un Suzuki Baleno cu no a duna
preferencia. E impacto tabata den banda di chauffeur di e Baleno. E polisnan a sali sin golpi pero e
chauffeur di e Baleno si tabata mustra grave na prome instante. E impacto a pone cu el a cay den banda
di pasahero. E hendenan na e sitio a cuminsa agolmera y Polis mester a hala tur hende un banda.
Mientrastanto a pidi ekipo di rescate y dos ambulance pa presenta na e sitio. Mester a sera e area pa
asina e trabou di rescate y yudanza pa e victima por a bay sin problema. Riba e fotonan aki por haya e
prome impresion di e accidente. E auto di Polis tabata core riba caminda di preferencia den Weststraat y
e Baleno biniendo abou den Koningstraat.Alto comisario tambe a presenta na e sitio ora di e accidente.
Departamento di trafico a pidi presencia di un experto di trafico. E siman cu a pasa riba mesun un
crusada un otro auto di Polis a accidenta. E auto di Polis a dal menos duro pero a kibra basta y no por a
sigui core. Den menos cu un siman otro desgracia cu auto di Polis y e biaha aki si tabata mas serio.