Page 79 - SJA DEC 16

Hulanda ta sostene Rode

Kruis Aruba cu 350 mil

dollar como donacion

Published on December 16, 2016 in Local
ORANJESTAD, Aruba

Tabata un dia hopi grandi pa Rode Kruis Aruba. Tesorero di Rode Kruis Aruba Hans
Ruiter a duna di conoce otro aña lo celebra 60 aña yudando Aruba. Rode Kruis tin un
cantidad di 150 boluntario cu ta yuda personanan cu ta cay den un situacion cu nan tin
mester di ayudo. Ultimamente por a tuma nota di e salida di e boluntarionan di Rode
Kruis na momento cu Aruba a haya un yobida grandi. E siguiente dia 40 boluntario a
sali riba caya y a bishita 150 cas y a constata diferente dañonan cu e awasero a haci.
Tabatin un cantidad di 80 cas cu tabatin mester di ayudo mesora , Tur esaki ta e tipo di
trabaonan cu Rode Kruis Aruba ta haci na momento cu yega un situacion grandi.

Sinembargo Rode Kruis ta drei riba donacionnan cu e ta ricibi di diferente instancianan .
Awe dia 15 di december Rode Kruis Aruba ta sumamente contento cu e donacion cu
nan a ricibi y ta contento cu dia pa dia e instancianan concerni ta mira e balor di e
trabao di Rode Kruis Aruba ta haci. A ricibi un Check di 350,000 Dollar for di Ministerie
van Binnenlandse Zaken en Koningkrijksrelaties di Hulanda. E suma aki sigur lo yuda
hopi pa asina Rode Kruis Aruba sigui yuda na momento di calamidad.