Page 8 - WEB

Booshi Wever: Ta husto pa pueblo bay paga

445% mas pa procesamento di

desperdicio???!!

6 HORA PASA , 20 DI JANUARI 2019 15:53
SECCION: POLITICA

Desde comienzo di aña pasa UPP a bin ta alerta nos pueblo y Parlamento con Otmar ta atende
cu desperdicio y e aumento barbaro cu lo nifica pa pueblo al final. Tambe a mustra riba e
tantisimo corupcionnan. Ta retira un di e directornan di Serlimar, kende no kier a complace cu

exigencianan coruptivo y ta nombra un "porn-star". E Raad van Toezicht di Serlimar, cu
representacion di gremio comercial y sindical, cu mester controla, parce di ta presta nan mes
p’esaki y ta colabora.

UPP a mustra con Otmar di un forma hopi astuto a otorga sin ningun tipo di destaho publico,

contractnan miyonario na su amigo-, sponsor- y socionan, cu no tin ningun clase di experiencia
den e ramo aki.
Y asina Otmar lo a beneficia un di su sponsornan den recohemento di e "bales" for di Ecogas.
Nos TUR sa cu desperdicio mester wordo benta awor na Ecogas, cu na su turno ta procesa
esakinan y despues hinca den "bales"! Antes Ecogas MES tabata cobra pa hiba y stiwa e

"bales" na Seri Teishi, originalmente 120 florin pa ton. Sinembargo Otmar a duna ordo pa
Ecogas NO hiba NI stiwa e "bales" den e buraco na Seri Teishi mas, pero djis pone esakinan
pafo di e tereno di Ecogas. Pakico? Pasobra sin ningun clase di destaho publico, su amiguito ta
haya un contracto miyonario, pa recohe e "bales" aki, stiwa nan den buraco na Seri Teishi y
tapanan cu calichi. Pa esaki Serlimar ta cobra 60 florin extra! Cu otro palabra enbes di paga

"tipping fee" di 120 florin, awor pa yena saco di e sponsor y di dje mes, Ecogas ta cobra 180
florin; cu otro palabra un aumento innecesario di 50%.

Na Hulanda ora gobierno presenta un plan financiero, di inmediato Centraal PlanBureau ta haci
un investigacion pa wak kico ta e consecuencianan pa pueblo y ta publica esaki. Na Aruba ta

laga Raad van Advies haci esaki, apesar cu historia ta mustra cu casi nunca ni gobierno ni
Parlamento ta respeta ni publica e resultado tampoco. Te awor ningun hende a tuma nan tempo
pa analisa kico esaki lo kiermen pa e saco di e pueblo.
UPP ya a mustra con e aventura di "WTE via Mass Inceniration" aki a fracasa na hopi parti di
mundo y cu lo bay ta un inversion multi-miyonario di por lo menos 720 miyon florin. Esaki ta un

aumento signicativo di nos quota di debe!! Pero, "NOBODY IS GIVING A DAMN"!