Page 41 - FDLP

ORANJESTAD (AAN)- Un total di 198 landador di 10 ekipo, representando 5 pais ta
batayando e fin di siman aki na Piscina Olimpico Roly Bisslik pa mira ken lo bira
campeon di e 17th Aruba Dolphins Invitational.

E ekiponan cu lo ta presente ta: Bonaire Barracudas, Casa D’Italia Zulia, Club de
Natacion

Guadalajara, Orca Swim Club Curacao, Sithoc Swim Club, Typhoon Swim Club, Sports 4

U, Stingray Swimming, Swimming team The Orcas y naturalmente Aruba Dolphins
Swimming.

E aña aki nos lo conta tambe cu presencia di nos team di ‘Crossing For Hope’, cu ta

preparando pa nan hazaña historico dia 11 di november. Nan lo tin un stand unda
publico lo por cumpra diferente memorabilia relaciona cu e hazaña. Tambe lo tin
presencia di Koningin Wilhelmina Fonds Aruba, cu lo ta colectando donacion den
publico.

E programa ta como lo siguiente:

Ayera Diabierna tabata tin apertura y desfile y despues a sigui caredanan.

Awe Diasabra 3 di November 2018 lo tin 2 sesion di competencia.

Mainta e warm-up lo ta 8.30 am y e caredanan lo start pa 9.30 am. E eventonan pa

diasabra mainta ta 400m Free, 50 Fly, 100m Back, 200 Breast, 100m Free y e
estafettenan di 200m Mixed Free Relay.

Atardi e warm-up lo ta 5.00 pm y e caredanan lo cuminsa 6.00 pm. E eventonan

pa diasabra atardi ta 50 Back, 200m Free, 200m Back, 100m Breast y e estafettenan di
200m Mixed Medley Relay.

Diadomingo 4 di November 2018 lo cuminsa pa 8.30 am cu warm-up y e caredanan lo

cuminsa pa 9.30 am. E eventonan pa e dia aki lo ta 200m I.M., 50m Freestyle, 100m
Fly y 200m Freestyle Relay.