Page 59 - MIN JUS 3 APRIL 2017

Dangui Oduber (MEP): Gobierno di AVP sinonimo na
corupcion!

Sunday, 02 April 2017 09:04
Comparti

Corrupshon, situashon financiero deplorabel, medida, ganjamento y asina mi por sigui cu mas cos negativo di e
gobierno aki. Na Hulanda nan sa bisa "in het land der blinden is een oog koning" Minpres Mike Eman a kere e dicho
aki lo conta pa Aruba. Bo por ganja un pueblo, bo por menasa contricante politico, persigui pueblo pa nan color
politico, pero bo no por para e boluntad di un pueblo.
Dia 22 di september Aruba lo tin oportunidad despues di 4 anja pa dicidi rumbo di gobernashon di Aruba. Aruba
merece un economia stabil y cu ta crese atrobe, Aruba merece pa biba den siguridad, Aruba merece scolnan renoba y
nobo, Pueblo di Aruba mester di un alivio financiero. Nos tur sa cu e belasting na Aruba ta un di esunnan mas halto
na mundo, pero ora nos puntra nos mes ta kiko ta sosode cu tur e entrada aki den caja di gobierno, nos ta mira cu
prioridadnan ta completamente robes. Viahamento, conferencia, fiesta y nepotismo ta na orden di dia. Nos Tata
todopoderoso a semper duna nos dushi isla e bendishon pa por briya, pero ora gobernantenan lubida e esencia di
bida, e importancia di ta honesto y integro nos ta jama e maldad y maldishon riba nos. Mester crea oportunidadnan
nobo pa nos hobennan, nos hubentud mester tin e bon ehempel pa por crese den nan bida, mester tin comprenshon
y amor pa otro bek y finalmente mester di un cambio den gobierno. Mi ta convenci cu majan lo bira miho pa nos tur!
Vota Mep, vota Dangui!