Page 2 - DIGICEL

2 Djaluna 15 òktober 2018
Parlamentario pa MAN, Wimbert Hato
Nos pais awor liber di

impuesto pa turistanan krusero

WILLEMSTAD.- Hopi nos gobièrnu pa stimulá
esfuerso ta ser hasí dor di nos ekonomia i pa logra

kresementu den hasimentu
di negoshi den nos pais.
Gobièrnu resientemente a
tuma desishon pa hasi pais
liber di impuesto di asina
yamá Omzetbelasting (OB).
Wimbert Hato parlamentario
pa MAN ta bisa ku for di
fin di luna di sèptèmber
di e aña aki tantu Punda i
Otrabanda i otro zona ku ta
hasi negoshi por bende nan
produktonan ku turistanan
liber di impuesto.
Esaki ta konta si
eksplísitamente pa
turistanan ku ta bini ku
krusero ku ta keda un
dia riba nos isla. Tur loke
e turista kumpra lo ser
entregá direktamente na dje
den un pakete seyá huntu
ku su komprobante ku ta
mustra ku el a kumpra liber
di impuesto. Produktonan
manera alkohòl i tabako ku
e turista kumpra si ta ser
entregá na dje ora e ta bai
subi abordo atraves di duana
ya ku riba e produktonan ei
tin un kontròl adishonal.
Hato ta bisa ku danki
na esfuersonan di nos
Minister di Finansa
sr. Keneth Gijsbertha i
Minister di Ekonomia sr.
Steven Martina a logra
pa medio di un dekreto
ministerial introdusí
un areglo temporal pa
hasi nos pais tax free pa
turistanan di krusero.
Esaki lo yuda stimulá
posibel kumpramentu dor
di e turistanan krusero
ku ta bishitá nos isla.
Hopi biaha nos ta tende e
reklamo ku turistanan ta
kana rònt keiru sin kumpra
kasi nada wardando te ora
nan yega un puerto ku ta
liber di impuesto pa e ora ei
nan kumpra. Hasiendo
nos pais tambe liber di
impuesto nos por yuda pa
konvensé nan pa kumpra
den nos pais tambe.
Sigui lesa pagina 42