Page 36 - MIN ON



...

Bn dia ban te serio ami tabatata ainan ora tur cos a pasa y e senor no tabata hasiendo nada pero si nan hinka cu bo
yui kiko bo lo hasi queda wak si ta gainan di 18 17 cu mucha di 14 15 ban te serio awo polis ta buske e no a hasi
bon pero tampoco malo awel anan mag di bati su yui y e no mag di hasi algo no ta posibel

Minister Michelle Hooyboer-Winklaar durante apertura di

"Orange Aruba" Aruba tin un compromiso internacional pa

traha na elimina violencia contra hende muhe

Thursday, 01 December 2016 18:47
Comparti

Fundacion Pa Hende Muhe den Dificultad ta organisando un actividad cu tin e nomber di "Orange
Aruba". Ta trata di 16 dia di actividad cu e meta di conscientisa comunidad tocante violencia contra
hende muhe.

Minister di Enseñansa y Famia, Michelle Hooyboer-Winklaar tabata presente na e apertura di Orange
Aruba y a bisa cu esaki ta un iniciativa mundialmente conoci pa duna sosten na e fecha 25 di November
cual ta e dia contra violencia di hende muhe.Rond mundo, hopi hente ta reuni pa renoba nan
compromiso pa loke ta trata eliminacion di violencia contra hende muhe y mucha muhe, e
mandatario a bisa. Na Aruba a traha cu diferente fundacion relaciona cu e tema aki. Orange Aruba ta un
movemento cu ta pone atencion riba e tema aki durante 16 dia consecutivo, pues te dia 10 di December.
Fundacion Hende Muhe den Dificultad ta e motor tras di e loke tin di haber cu e tema aki, pero tambe tin
otro personanan cu ta dunando sosten na esaki, e mandatario a bisa. E Minister ta di opinion cu ohala lo
por tin un solucion rapido na e problematica aki, pero lamentablemente e ta tuma hopi esfuerso pa por
conscientisa hende cu violencia domestico ta algo real, cu ta tuma luga tur dia.

Sinembargo, ta algo cu nos por cambia y traha hunto pa por wordo elimina. "Esey ta e aspecto positivo di
un dia asina aki. Un dia tristo, eigenlijk pa tin un fecha cu ta trata e tema aki, pero na otro banda cu bo ta
wak cuanto hende, cuanto diferente grupo di hende ta trahando riba e tema aki", asina Minister di
Enseñansa a indica.Tur dia mester sigui traha pa dilanti, hunto cu e partnernan pa por yega na e
conscientisacion aki, e Minister a finalisa bisando.