Page 19 - MIN VOS 3 APRIL 2017

E pakico Jacky van

Putten di POR ta e miho

representante pa

deporte di nos isla

Published on April 3, 2017 in Politica
ORANJESTAD,Aruba

Pa elecion dia 22 di september 2017, mi ta postula mi mes riba e lista di Plataforma E
Forsa Nobo, POR,cu e meta pa representa deporte den e proximo gobernacion. Un
proceso difícil y complica na unda pueblo votador mester bay deposita su confianza
den un partido y un persona. Bo voto ta representa e voz di pueblo y pa e motibo aki ta
importante cu bo use consciente y responsabel. Como pueblo bo mester sa pakico e
partido ta para pe y si e persona cu bo kier representabo tin e sinceridad, capacidad y
experiencia pa ehecuta e plan di maneho na bienestar general di Aruba y deporte
specificamente den e caso aki. Ta difícil pa drenta tur cas of tin un conversacion cu tur
cu ta interesa den mira un miho maneho di deporte nan unda e futuro deportistanan di
Aruba por wordo bon representa. Den e lunanan cu ta bin prome cu bo deposita bo voto
lo mi kier presenta mi mes, mi trayectoria deportivo, mi experiencia,mi dedicacion na
deporte y mas cu tur e plan pacu deporte. Mi tin e ventaha di ta e miho representante
político awe cu lo por haci e diferencia aki pa deporte, simplemente pasobra mi tabatin
un tremendo maestro, mi tata Roy van Putten (fundado di IDEFRE) y tambe mi a traha
cu tur ministerio cu a maneha e deporte aki na Aruba.( mi sa e come y bebe di deporte).

Como candidata riba e lista di POR cu mi pasion pa deporte mi lo baycomparti algundi
mi experiencia di 34 aña laborando den deporte pa asina pueblo engeneral por conoce
mi persona den mi trabou profesional y social.Den mi prome 12 añanan di mi carera na
IDEFRE mi a traha como instructor di deporte. Mi tabata forma parti di e departamento
di deporte escolar unda mi a duna varios les di gym na diferente scol basico,
secundario y scolnan special manera FAVI, Scol Duna un Man, Bibito Pin y
Sjaburiruri y tambe guia maestronan riba e tereno di deporte/gymnastiek.

Un di nos tareanan principal tabata organisa competencia escolar y weganan
interinsular (competencia entre e islanan di Antiyas).Den oranan di merdia mi a duna
les di deporte den diferente bario unda muchanan di scol basico tabata atende
masalmente.Banda di lesnan di gym na scol mi a traha na Scol Duna un Man y Scol
Scucha Nos dunando les di natacion na e clientenan cu e meta pa nan por protehanan
mes den awa y tambe relax nan curpa y mente.