Page 36 - DESPA

Henter Aruba ta pasa den un experencia nobo cu cambio di
luznan convencional pa luznan LED

Sunday, 23 April 2017 15:01
Comparti

Gabinetenan Mike Eman ta cambiando e imagen di Aruba den tur sentido. E cambio por wordo sinti for di momento
cu e bishitante pisa suela Arubano of ora cu e Arubiano mira rond y constata e avancenan cu a wordo haci e ultimo
aña den infrastructura y barionan di Aruba.

Barionan ta importante den e maneho di Gabinete Mike Eman I y II, unda cu careteranan a wordo drecha y barionan
embeyece y modernisa. Unda no tabatin luz, ta hayando esaki y camindanan cu tabatin luz, tambe lo sinti un
diferencia cu e uzo di bombiyonan LED.
Diahuebs ultimo Prome Minister Mike Eman tabata den bario di Nuñe, un bario nobo, pero cu no tin tur e
infrastructura necesario ainda, manera camindanan asfalta of iluminacion. Pa cumpli cu e ciudadanonan na 2013 a
cuminsa ehecuta e programa Luz den Bario cu awor a yega Nuñe na man di Prome Minister Eman. “Hunto cu tur e
luznan cu nos ta poniendo den barionan, nos ta cambiando tambe tur e lunan existente di luznan tradicional pa
bombiyonan LED. Pues hopi bario cu tabatin luz caba, ta pasando den un experiencia nobo cu un miho iluminacion,”
Prome Minister Eman a splica.
Eman a bisa tambe cu e bos di e ciudadanonan ta yegando di tur forma cerca nan como gobernantenan. Sea nan ta
manda peticion aden, ta combersa cu su persona durante bishita den barionan, of via di Parlamentarionan, cu ta
controla Gobierno pa mira si ta cumpli cu e pueblo. Na final “nos mester scucha loke ta deseo di nos ciudadanonan."
Asina por ehempel el a priminti di papia cu su colega di Infrastructura pa mira con por mehora e camindanan di
santo cu tin den e bario aki tambe. Esaki ta algo cu a wordo expresa dor di Parlamentario Clarisca Velasquez,
presente na e ceremonia. “Nos trabou ta pa hiba e mensahe pa Gobierno. Nunca antes nos tabatin un Gobierno cu tin
oido pa pueblo. E ta scucha y e ta cumpli tambe,” e Parlamentario a bisa.
Un hoben di e bario cu ta bay drenta arena politico ta Clayton Croes, kende Prome Minister Eman a duna honor pa
cende e prome luz di caya LED den Nuñe. E ta un hoben profesional director di GKMB, kende ta bini di e bario di
Paradera tambe. “E bon trabou ta sigui den e bario di Paradera. Nos tin un team nobo den preparacion pa sigui cu
tur e trabounan pa Paradera y pa Aruba completo", Clayton a bisa.