Page 15 - awemainta

Diamars, 9 October 2018 AWEMainta 15

ARUBA DOET 2019 ta na caminda!

ASINA mes, edicion number shete di ARU-
BA DOET ta na caminda! Desde comienso di
september preparacionnan ta den full swing.
E team dinamico di ARUBA DOET a cuminsa
traha riba e campaña di e siguiente edicion pa
asina sigura cu esaki tambe lo ta uno exitoso!
ARUBA DOET ta e accion boluntario mas gran-
di na Aruba organisa pa CEDE Aruba hunto cu
Oranje Fonds. E siguiente edicion di ARUBA
DOET lo tuma luga diabierna 15 y diasabra 16
di maart 2019. Esaki lo ta e di shete aña con-
secutivo cu e accion di DOET ta wordo organisa
na Aruba. E meta ta pa pone trabou boluntario
den spotlight, stimula henter comunidad pa
pone man na obra pa un of parti di dia y ilustra
con dushi esaki por ta!
Bo organisacion tin un trabou of actividad pen-
diente? Falta ayudo di boluntario? Bo kier or-
ganisa un dia extraordinario pa e clientenan di
bo organisacion? Drecha e area di hunga pa e
muchanan? Cushina cu un grupo di 60+? Awel
tur esaki ta posibel durante ARUBA DOET.
Como fundacion, club di deporte, organisacion
di bario, scol, grupo di scouting y centro di cui-
do bo por logra tur esaki y mas durante e fin di
siman di ARUBA DOET.
Riba diahuebs 18 di october 2018 lo tuma luga e
lansamento di ARUBA DOET 2019 y bo organ-
isacion ta keda cordialmente invita. Oportuni-
dad perfecto pa bo organisacion haya un poco
mas informacion di ARUBA DOET y kico tur
lo por wordo completa durante un weekend cu
ayudo di boluntario. Nos ta ON, Abo tambe?!
Pa mas informacion tuma contacto cu e team
di ARUBA DOET na 582-7666 of manda un
e-mail na info.arubadoet@gmail.com