Page 22 - awemainta

22 AWEMainta
Informacion di
studentenhuisvesting
na Utrecht pa futuro
studiantenan for di Aruba
TUR aña Arubahuis ta ricibi un cantidad grandi di
studiante cu ta bin Hulanda pa sigui cu nan estudio na
un nivel mas halto. Un di e aspectonan crucial den e
preparacionnan di e hobennan aki na caminda pa Hu-
landa ta esun di buscamento di vivienda.
Sr. Omar Besaril, mentor di e ciudad Utrecht kier a
pone enfasis ariba e importancia pa studiantenan cu tin
pensa di bin studia na e ciudad aki pa cuminsa busca
camber na tempo (preferibel for di nan voorexamenk-
las).
Utrecht ta un di e cuidadnan di Hulanda cu conoce un
scarsedad enorme di camber pa studiante, mientras cu
e interes bou di studiantenan pa bin studia na Utrecht
ta hopi grandi. Pues ta esencial pa inscribi bo mes na
tempo via un di e websites di organisacionnan di vivi-
enda. Asina bo ta core menos riesgo cu na comienso di
bo estudio bo no tin camber.
Provincie Utrecht
• Utrecht
• Houten
• Zeist
• De Bilt
• Nieuwegein
• IJsselstein
• Maarssen
• Amersfoort
Sr. Omar Besaril ta sigui splica cu studiantenan por
haci uzo di diferente manera pa yega na un camber den
Utrecht. Por ehempel via organisacion di maneho di
camber pa studiante SSHU (Stichting Studenten Huis-
vesting Utrecht): www.sshxl.nl
Despues di inscribi bo mes y paga un suma di inscrip-
cion, bo por cuminsa reacciona ariba camber cu ta
wordo ofreci. E problema ta cu pa haya camber via
SSHU e studiante mester ‘hospiteer’. Esey kiermen cu
bo ta wordo invita pa bin wak bo camber y cera conoci
Diamars, 9 October 2018
cu e otro habitantenan y cu nan ta dicidi si bo ta haya
e camber si of no. Ademas bo tin cu ta inscribi 1 aña
prome cu bo wordo invita. Ta p’esey ta importante pa
inscribi bo mes mas pronto cu ta posibel na e website
aki. Banda di un inscripcion na SSHU ta recomendabel
pa inscribi bo mes tambe na Woningnet. Si bo combina
e inscripcion cu esun na SSHU bo ta paga unicamente
22,50 euro, unabes di 30 euro pa Woningnet so.
Otro opcion ta camber ofreci door di personanan priva.
Hopi habitante di Utrecht ta ofrece cambernan via
websites:
www.kamernet.nl
www.kamers.nl
www.rooming.nl
www.huurexpert.nl
www.kamerutrecht.com
Mayoria di biaha bo mester paga un suma pa bo por
subi un de e websitenan aki y asina reacciona riba e
cambernan cu ta wordo ofreci. Ta bon pa menciona cu
hopi biaha un persona (p.e. mayor di edad y residencia
na Hulanda) lo mester para garantia pa e pago di huur.
Tambe via Facebook tin posibilidad manera riba pagina
“Zoekt kamer in Utrecht” y “Kamer in Utrecht” na
unda bo por logra haya camber.
Via makelaarnan tambe bo por purba bo suerte:
www.pararius.nl
www.domstadmakelaars.nl
www.esteon.com/nl/huurwoningen/in/utrecht
Esakinan ta opcionnan hopi caro. Bo mester paga e
makelaar pa su trabao y un borg cu ta wordo stipula a
base di 1 of 2 luna extra di huur.
Hopi biaha ta mas facil pa haya camber den vecindario
di Utrecht, por ehempel na Houten, Zeist, De Bilt,
Nieuwegein, IJsselstein, Maarssen y Amersfoort, via
personanan priva of via makelaarnan.
Sr. Omar Besaril un biaha mas ta enfatisa cu si bo
tin pensa di bin studia na Utrecht inscribi bo mes na
tempo y keda controla bo inscripcion regularmente. Pa
mas informacion por tuma contacto cu sr. Besaril via
mobiel y WhatsApp nr. +31 (0) 610333332 of e-mail
o.besaril-mentor@arubahuis.nl.