Page 126 - MIN VOS 7 APRIL 2017
P. 126
Tiger, Brazil, San Nicolas y Noord Taekwondo Center a
manda nan lista pa e di 9 Ultimate Taekwondo Cup
Thursday, 06 April 2017 16:03
Comparti
Stichting Tiger Taekwondo Academy ta e prome scol cu a manda nan lista di participante, sigui pa Brazil
Taekwondo Stichting despues pa Noord Taekwondo Center y por ultimo e scol di Master Eric Barry di
San Nicolas Taekwondo Center.
Te cu diahuebs merdia ta e 4 scolnan aki a manda nan lista di participacion y no sa si tin mas scol cu lo
presenta pa registra nan atletanan pa asina por bringa pa e best team cup. Si nan wordo escogi como best
fighter nan ta clasifica pa Best of the Best 2017. Brazil Taekwondo Stichting ta hopi gradici y te cu awor
aki por mira cu Taekwondo ta creciendo cu hopi mas participacion cu na aña 2016. Brazil Taekwondo
Stichting a sali best team aña pasa na e di 8 Ultimate Taekwondo Cup. No ta sigur ainda cuanto scol lo
participa, pero Brazil Taekwondo Stichting su 7 atletanan pa best team ta conoci caba y e biaha aki a haci
uso di e nobatonan pa duna nan tambe e oportunidad pa bringa pa e best team cup y cu awor tambe nan
ta bay drenta den e team di Train Hard Fight Smart. Diasabra awor e evento ta cuminsa pa 10’or di
mainta na Centro di Bario Brazil y Brazil Taekwondo Stichting ta spera un y tur.
