Page 14 - MIN VOS 7 APRIL 2017

Mientras cu IMF ta felicita y tin palabra di elogio pa Gobierno di AVP pa e maneho cu ta
ser hiba ultimo añanan, Bikker ta papia di un reportahe devastador y tratando pa
bende un vision politico cu si lo conduci na resultado desastroso manera su vision pa
loke ta edad di pensioen.

Nos por a ripara cu mescos cu e lider di MEP, Evelyne Wever Croes, Andin Bikker ta
insisti cu nan lo baha e edad di pensioen bek mientras cu na e momentonan aki tin un
desaroyo serio na tanto Corsou como e isla di Bonaire pa loke ta regarda e pensamento

aki.Bin cu storianan sin sentido cu lo reduci e cantidad di Minister di 9 pa 7 y kita
cantidad di coordinador cu lo ta suficiente pa cubri e peso financiero aki di su vision pa
edad di pensioen, ta mustra no solamente cu Bikker no ta al tanto di kico esaki ta nifica
y con desastroso esaki lo resulta pa e pensionado.Na Corsou caba a tuma e decision pa

esunnan cu kier baha cu pensioen na edad di 60 aña por haci esaki pero aki ta bon pa
mustra cu e mesun pensionado aki lo bay atras cu casi 30% di su entrada caminda na
luga di cobra 1080 pa luna, e lo ricibi un suma di 700 florin cu sigur no ta un suma cu
cual un persona lo por pasa luna cune.Na e isla di Bonaire cu pa colmo ta cay bou di

Hulanda, sindicatonan ta preparando un welga general pa motibo cu aki tambe kier
reduci e edad di pensioen sin cu tin un forma pa sigura stabilidad di e fondo pa futuro
caminda e fondo lo bay haya su mes den problemanan hopi serio.Eynan tambe e
pensionado lo ripara cu e lo bay cobra menos cu inicialmente e lo a ricibi y ta puntonan

cu Andin Bikker y Evelyne Wever Croes no ta splica pueblo.Pa ilustra e ansha di morto
den campaña politico mester menciona cu e lider di MEP ta prefera y insisti pa bay
contra su propio vision como hefe di departamento di impuesto den pasado, caminda el
a conseha Gobierno di MEP di Nel Oduber algun aña atras, pa aumenta edad di

pensioen pa 65 aña como e unico solucion adecuado pa salba e fondo aki.Awe Evelyne
ta insisti pa trapa su propio vision, un vision cu Gobierno di AVP a ehecuta y cu ta duna
resultado positivo hunto cu otro inversionnan cu Gobierno a haci, cu a bon consolida e
fondo di pensioen.E tipo di weganan aki no ta weganan pa un politico serio hunga,

caminda den forma descabeya ta pinta un scenario pa nos pueblo sabiendo cu loke bo
ta propone ta simplemente un caminda pa desaster y fracaso.Aki tin cu pone enfasis
tambe riba e hecho cu nos tur ta paga prima cu ta bay pa SVB y fondo di pensioen pues
ningun momento reduccion di total di Minister lo ta suficiente pa sostene e fondo di

pensioen,” Parlamentario Marlon Sneek ta mustra.