Page 33 - AHATA

Van der Biezen a splica cu Serlimar ta bay tene un campaña cu lo elabora un poco mas
riba e importancia di crea a habito di re-uza y recicla.

“E meta principal di esaki ta pa mantene nos beachnan limpi, specialmente den

temporada di campamento”.

“E otro punto di enfoke ta cu nos lo bay sigui ofrece nos servicionan di colecta
desperdicio y nos containernan, pa esnan cu ta campa durante e temporada di

campamento evita y reduci e cantidad di sushedad cu lo por bay riba nos beachnan y
den nos lamannan”.

Esaki segun e PR Manager di Serlimar, kende a sigui bisa cu e otro punto ta e parti di

accesibilidad general cu Serlimar ta ofrece tur aña, caminda cu e compania ta pone
diferente container na diferente area di campamento, pa asina e publico por hasi uso di
esaki door di tira nan sushi den e containernan aki.

Segun van der Biezen, e aña aki e campaña di concientizacion di Serlimar ta: ‘Tips pa
un Campamento Dushi sin Sushi’.

“Esaki ta enfoca riba reduci e sushedad riba nos beachnan, caminda cu nos ta informa

cu simplemente uso di saco di sushi y tira esaki den bari di sushi ta importante pa evita
cu sushedad ta keda riba nos beachnan”.

“Nos kier stimula tambe uso di material reusable, pa asina reduci e cantidad di sushi cu

bo ta acumula”.

“E otro parti ta pa recicla”.

“E aña aki nos ta continua hunto cu Plastic Beach Party y ATA den un iniciativa pa bin
cu e asina yama Recycle Bins, cu ta bay wordo poni na diferente caminda riba beach,
cu hendenan por uza pa recicla plastic, glas y papel”.

Esaki segun van der Biezen, kende a sigui bisa cu manera tur aña Serlimar ta ofrece su
servicionan.

E aña aki tin un promocion di mini container di 240 liter cu ta costa 10 florin.