Page 38 - HOH
P. 38
FACT TEAM A KEDA LANSA
OFICIALMENTE DIABIERNA
21 September, 2019, 3:09 pm
Diabierna mainta, Minister di Salud, Dangui Oduber a anuncia oficialmente e lansamento
di FACT Team. Esaki ta un proyecto cu Gobierno di Aruba, hunto cu Sociaal Crisis Plan
ta financia pa esaki.
A traha riba dje den e ultimo lunanan. Busca tur e profesionalnan cu tin mester di dje. A
busca psikiatra, a busca psicologonan, a busca enfermeronan. E intension ta cu e FACT
Team aki ta bay duna e servicio ambulatorio na mucha y hobennan cu tin problema di
adiccion y tambe tin problemanan mental.
FACT Team sigur ta un bunita proyecto segun e mandatario. Esaki ta demostra cu e
gobierno aki ta duna atencion na e ser humano. A pone den nan programa di gobernacion,
cu e hende ta central y sigur cu e FACT Team ta demostra esaki.
FACT Team lo ta disponibel 24 ora pa dia. Ta bay tin un number central cu ta bay ta
atendi den oranan di trabao y tambe despues di oranan di trabao.
