Page 55 - HOH

Minister Dangui Oduber: “Pa e motibo aki mi ta urgi tur persona den comunidad
cu tin un conoci of familiar cu ta pasando den e malesa aki, pa laga nos tin
comprension pa e famia directo y tambe brinda nan sosten.”

Segun e mandatario, tin un ekipo cu ta haciendo sondeo pa wak na ki forma ta
mas miho pa como gobierno asisti personanan cu mester atende cu un familiar
cu tin Alzheimer’s. “E idea ta pa por yuda facilita maske ta un poco e bida di e
persona(nan), ya sea profesionalnan of persona na cas cu ta duna e cuido
medico na personanan cu Alzheimer’s”, e mandatario a indica.

Finalmente Minister Dangui Oduber ta invita tur persona pa busca mas
informacion posibel tocante e malesa aki, pa asina ta alerta tambe di
sintomanan ya cu esaki por bati na porta di ken cu ta.

https://masnoticia.com/minister-dangui-oduber-en-conexion-cu-dia-internacional-di-alzheimers/