Page 17 - MIN VOS

2 AWEMainta Diaranson, 18 Januari 2017

Gobernador di bishita na GOBERNADOR nobo di Aruba su excelencia

J.A. Boekhoudt e siman cu a pasa a inicia cu su
IMSAN y YMCA San Nicolas bishitanan di cera conoci cu diferente instancia y

organisacion.
Su prome bishita oficial a tuma luga diabierna
ultimo 13 di januari na San Nicolas, caminda cu
Gobernador a nace y crece y haya su educacion
basico y medio.
El a bishita e Instituto Medico San Nicolas IMSAN
y a ser ricibi pa su director Dr. J Rajnherc, sra. drs.
Monica Nuboer, pa e hefe di cuido sr. Greg Croeze,
sra. Lucia White Presidente di Raad van Toezicht y
sr. Giovanny Irausquin kende ta miembro di Raad
van Toezicht di IMSAN.

Gobernador a ser informa di e ultimo y futuro de-
saroyonan na IMSAN desde 2012 cual ta encera un
aliansa strategico cu Baptist Health di South Florida.
Gobernador a ser poni na altura di e experencia y
ambicionnan di IMSAN pa specialisa den trata-
mento di pashentnan cu malesanan cronico no
tranferibel cu hopi ta relaciona cu e fenomeno di
obesitas cu den mayoria biaha tin como consecuen-
cia e. o. diabetis mellitus, hipertension, problema
cu bista y riñon.
Gobernador a ricibi un rondleiding extenso di henter
e facilidad medico y a combersa cu diferente pash-
ent y enfermero. Gobernador a keda masha impre-
siona cu e organisacion y e plannan di IMSAN, e
cuido profesional y e determinacion y animo di e
pashentnan.

Ademas di e bishita na IMSAM Gobernador tambe
a haci un bishita na YMCA San Nicolas. Goberna-
dor den su hubentud a bishita YMCA como hoben
participante y despues como trainer.
YMCA ta un organisacion Cristian di boluntario cu
tin mas di 60 aña activo riba nos isla.
E Presidente di YMCA Aruba sr. Bert de Vries y e
directora sra. Rachel Croes a informa sr. Gobernador
di e recien desaroyonan y di planesnan di particu-
larmente YMCA San Nicolas, pero tambe di YMCA
Dakota cu ta ser masha hopi bishita.

Tin demanda grandi pa locual ta ser yama “na
schoolse opvang” pa mucha cu via di miembresia
por participa na e actividadnan di YMCA. E activi-
dadnan ta varia di e. o. di deporte, baile, training
di liderazgo y lesnan pa cushina.
Un rondleiding a ser ofreci na Gobernador ca-
minda cu sr. Percy Phelipa (supervisor di YMCA
SN) y Marina Jones (supervisor Y’s care program)
a laga Gobernador experiencia e actividadnan di e
muchanan di YMCA.

Gobernador a keda sumamente contento y impre-
siona cu e trabao valioso cu YMCA ta haci pa nos
muchanan y hubentud pa mas di 60 aña y el a ex-
presa su admiracion pa e gran logro aki y a deseanan
hopi exito pa continua cu e trabao importante aki
pa nos comunidad.