Page 82 - MIN VOS

Departamentonan di Salud Publico activo durante e
temporada di carnaval

Tuesday, 17 January 2017 22:12
Comparti

Durante di carnaval tin hopi uzo di cuminda y bendemento di cuminda. Con prepara
Departamento di Higiena ta?

Nos a papia cu Yvette Geerman, kende ta hefe di e departamento, a splica cu en berdad
carnaval a cuminsa y manera cu carnaval a cuminsa, Departamento di Salud Publico,
Departamento di Higiena y Departamento di Malesanan Contagioso ta cla. Nan ta activo desde
cu e parada di flambeu a cuminsa y ta prepara pa tur e actividadnan di carnaval cu lo tuma
luga. Nan tey y ta haci nan control y ta tene nan inspeccion durante tur e actividadnan aki.
Fuera di tin inspeccion, tin diferente reunion cu a tuma luga caba y a sinta cu diferente
stakeholder, pone nan na altura di e exigencianan kico nan tin cu tene cuenta cun'e y referente
na locual cu ta e leynan cu tur esnan cu ta bay bende cuminda, pa tene cuenta cu eseynan.

Kico lo por controla

Den un situacion asina aki, e controlnan ta fiha riba e regla di higiena, cu ta uno primordial pa e
departamento, con mester anda cu cuminda. E preparamento, ta cuminsa desde cu con e
personanan cu ta prepara e cuminda, con nan mester prepara esaki, pa ora nan mester sirbi'e
pa bende di manera cu pueblo ta yega por cumpra e cuminda. Tur eseynan ta e procesonan cu
ta pone hopi atencion riba regla di higiena, wardamento di cuminda, temperatura y parti di
labamento di man. Ora cu haci inspeccion, ta controla e localidadnan. Ta keda pone enfasis
riba e parti basico cu ta keda unda eynan por evita risiconan cu cosnan por bya malo, ta e
labamento di man. Ta exigi cu tur luga cu ta bende cuminda, vooral durante carnaval, papiando
di esnan cu no tin un localidad, pero tin manera un vent, esnan cu ta bende pinda, esnan cu tin
un tent durante e actividadnan, pa nan tin un jug cu awa, no un hemchi cu awa di manera nan
ta lama man den dje. Eynan tin riesgo cu diferente hende ta laba nan man y e mesun awa ey ta
keda sushi y un por contamina otro. Mester ta un jug, di manera cu ta primie cu e awa ta
basha.

Un habon pa laba man y si mester, serbete pero mester ta limpi. Ta prefera pa tin
dispossables, di manera cu por benta afo. Asina eynan e risico ta keda menos cu e bacteria ta
keda menos riba e serbete. Ta notando cu tin serbete ta sushi of a bira sushi. Ta preferibel pa