Page 27 - HOSPITAAL
P. 27
Un bida saludabel por yuda
preveni problemanan di curason
30 September, 2018
0
Problemanan di curason actualmente ta un trend mundial, y Aruba tambe ta
siguiendo e trend aki. Sra Yraida Thijsen, hefe di Seccion di Salud di Ibisa, ta
amplia mas ariba e problematica aki.
Aña pa aña e problemanan di curason,diabetes, ta birando mas hoben. Esey ta
bisa hopi di con nos ta biba actualmente, con nos yiunan ta wordo educa pa
hiba un bida menos saludabel compara cu antes.
Dia 29 di September ta Dia Mundial di Curason. Ariba e dia aki, World Health
Organisation, ta pone atencion ariba e problematica aki, ya cu e ta mundial. Aki
na Aruba un tercera parti di personanan cu ta muri pa aña pa causa di e
problema aki. Sea ta door di ceramento di ader, presion halto. De facto, di algo
cu tin di haber cu curason.
