Page 32 - FDLP

E olimpiada e aña aki ta for di 14 October pa 4 di November, caminda e lo termina cu
entrega di medalla, reconocimiento na personnan y tambe un baile di ’60, 70’s y 80’s.

Ya caba tin varios federacion a registra kendenan ta entre otro weightlifting, kendo,

barracuda, schermen, basket, karate, volleyball, tan soo do, caballista, dam, capoeira y
pikkelball.

Ta pidi tur organizacion pa forma parti di e olimpiada aki y pa asina e ta nan apertura

pa nan campeonato 2018. Esnan cu ta interesa pa participa por tuma contacto cu Felix
Piña na 5937411.

Diadomingo awor e gruponan ta cuminza prepara pa 4.15 den Entertainment Center y

for di eynan nan lo Sali pa 4.30 pa Stadion. E antorcha olimpico lo wordo carga pa
Tashaina Seraus di bowling y Rasheed Lowe di taekwondo.

E apertura lo ta uno colorido caminda lo bay tin entre otro e team campeon di Aruba su

futbol e team di Dakota, grupo di muchanan special, y Zion tambe lo tey hunto cu
Popcorn Dancers pa duna un presentacion.

Dia 4 lo ta final di e olimpiada caminda lo bay converti Centro Deportivo Betico Croes

den un lugar bailable pa asina den gran forma cera e evento aki cu entregamento di
medayanan, reconocimiento na 7 persona cu a traha duro den e mundo di deporte y na
final esnan presente por goza di e bandanan Back on Track y Supermania.

Sr. Franca ta invita henter e pueblo di Aruba pa bay apoya e deportistanan riba e
diferente terenonan pa asina nan tin mas smaak pa cometi y sigur lo yuda nan den nan
disciplina y formacion como persona.

https://www.diario.aw/2018/10/diadomingo-awor-tin-apertura-di-asu-
olimpiada/