Page 53 - HOH

Obstruccion A Stroba Fluho Di Awa Cu A Inunda

Hospital

 Local
- 23/09/2019

SOGA, e fundacion cu a percura pa financiamento di e proyecto di renobacion y
ampliacion dr. Horacio Oduber Hospital, finalmente a yama un conferencia di prensa.
Despues cu gerencia di hospital a dal grito di desesperacion cu e inundacion di diabierna
madruga, y a cuminsa cu menasa di demanda, a bin bisa cu e problema di diabierna ta
debi na falta di mantencion.

Presidente di SOGA John Hodgson den e conferencia di prensa a lesa un comunicado den
cual nan ta bisa di a tuma nota di declaracion di director di hospital, Ezzard Cilie, y
tambe esun di Minister di Salubridad Publico Dangui Oduber.

“Durante e ultimo dianan a circula hopi comunicado den media tocante SOGA riba e
proyecto di expansion y renobacion di hospital cu no ta cuadra cu realidad. Te cu awo a
prefera di abstene di reacciona mucho den media. Aworaki a dicidi pa reacciona riba
specificamente dos punto.

E puntonan ta e incidente di awa cu a drenta e departamento di SEH y e ponencia di falta
di cama pa pashent. Pa loke ta e prome punto el a laga e splicacion den man di Project
manager di SOGA, Michael Habibe.

El a splica cu diabierna marduga pa 2.15 a haya yamada for di hospital cu tabata tin awa
den e departamento di emergencia. Como SOGA y hospital, tin un protocol di
mantencion di tur e facilidadnan cu ta andando y e acuerdo ta cu ora tin un first response,
mester bay via e beheerder cu ta Kroon Maintenance. E yamada mester a bay