Page 63 - HOH
P. 63
OHL Arellano: “Tur acusacion di HOH
contra nos ta falso!”
Posted on 09/23/2019 6:33 pm AST | Updated on 09/23/2019 6:33 pm AST
ORANJESTAD – Completamente falso, ta loke cu e gerente di compania di
construccion responsabel pa e construccion y ampliacion di Horacio Oduber
Hospital(HOH), Jeffrey Shahiin di OHL Arellano, a bisa dialuna atardi. Apenas 2
ora despues cu e fundacion responsabel pa e construccion (SOGA) a purba
desbarata e acusacionnan di HOH, Shahiin (OHL Arellano) a haci mescos, cu no a
sorprende niun hende. “SOGA a haci un tremendo trabou den nan conferencia di
prensa”, Sahiin a bisa, refiriendo na e reclamo di SOGA contra HOH pa
acusacionan no corecto. Tur e acusacionan, for di e echo cu e compania no tin
experencia den construi hospital, te na e gastonan extra y tardansa di e proyecto. Un
pa un, Shahiin a purba desbarata. E ‘score’ awor ta 2 contra uno, esta SOGA y
Arellano contra HOH. Ainda falta gobierno pa reacciona.
