Page 82 - HOH

ORANJESTAD (AAN) — Ta conoci cu tempo cu e asunto di holo di Diesel y derame a
tuma lugar pa prome biaha, asistencia di DOW y DTI a wordo pidi door di Minister di
Salud, pa haci un analisis di e situacion.

Den entrevista cu Gina Maduro, Presidente di Sindicato ABV, e instancianan a traha nan
report PA Gobierno, cual resultado ta negativo y ta mustra cu no por pone e boiler
paden di e edificio.

Apesar di esaki, SOGA a dicidi cu e boiler ta keda den e edificio y te ainda nan no kier
compronde e problema y ta insisti cu e boiler tin nada di haber.

No obstante, e boiler tin cu sali for di e edificio. Asina sra. Maduro a remarca. El a

agrega cu traha un lugar pafo pa e boiler ta costa minimo 800 mil florin, segun un
estudio haci pa peticion di e minister. Pero e pregunta ta: ken ta pague? E problema ta
sinta aworaki cu ningun hende kier asumi e responsabilidad aki.

E punto di bista di Gina Maduro ta cu Gobierno tambe tin e deber di paga pa saca e
boiler pafo di HOH, pasobra en todo caso, e tambe ta parti di e decision cu a wordo
tuma pa otorga e proyecto na e contratista responsable di tur esaki.

Ademas, cu fuera di e problema di e boiler henter e edificio nobo unda cu servicio di
emergencia ta situa, cada fase cu a wordo entrega tin mancamento.

https://www.diario.aw/2019/09/saca-e-boiler-for-di-hospital-ta-costa-800-mil-florin-cu-ningun-hende-
kier-paga/