Page 96 - HOH

contratistanan ta local cu ta haciendo trabaonan pa Arellano, cu ta e contratista cu a haya

e proyecto. E ta pone subcontratistanan local pa haci e trabaonan na hospital. Y awe,

dialuna, tin un problema cu a presenta, despues di varios problema cu tabata tin durante e

proceso di renobacion y construccion, awe e situacion a bira asina serio cu hasta tin un

posibel demanda, un caso legal cu por bay cuminsa.

Ya caba, hospital a manda un claim di mas of menos 1 miyon di dollar prome cu e

situacion a presenta diabierna ultimo. Esey ya caba ta un claim cu nan a manda

pa SOGA. Ta dañonan cu a tuma luga despues cu e situacion a presenta pa loke ta e otro

incidentenan anterior. Tin diferente discusion riba e boiler cu tin instala, e efectonan cu

esaki tin riba trahadonan durante oranan di trabao. Tur e cosnan aki ta acumulacion cu a

yega na e suma ya menciona. SOGA tin cu bay claim na Arellano cu ta e contratista
principal cu ta duna trabao na entre otro contratistanan local. Awor tin cu keda pendiente

pa mira kico lo bay sosode.