Page 41 - ATA

ORANJESTAD (AAN) — “Si bo no tin cas y bo no tin trabou, no bay Hulanda. No laga
storianan di bida na ciudadnan grandi atrae bo. Prepara bo mes como studiante of
trahado hoben añanan prome cu bo dicidi pa bay.”

Esaki ta uno di e advertencianan cu DIARIO a bolbe ricibi for di Hulanda, caminda
special hobennan ta core riesgonan enorme manera algun siman pasa DIARIO ya a
trece dilanti ora studiantenan a bay Hulanda.

E situacion pa personanan cu no ta prepara nan mes ta sumamente peligroso mas
ainda si nan no tin famia directo cu for di prome cu nan biaha, ta bay di acuerdo pa
keda na nan cas na un forma permanente.

Informantenan a mustra cu hopi hende ta bay Hulanda y ta haya permiso pa keda pa
un tempo cortico na cas di un famia of amigo. En realidad ta biba nan kier bay biba na
Hulanda y ta pensa cu si nan haya acomodacion pa un par di siman, nan por keda.

Esaki no ta berdad y mas y mas studiantenan y personanan cu kier traha na Hulanda ta
haya nan mes den problema mientras scarsedad di cas ta sigui crece.

Informantenan a entrega cifra na DIARIO. Cifranan cu ta indica cu e posibilidad pa

haya trabou na Hulanda ta haci cu ta wordo spera cu te 2023 ta spera cu 70 Mil hende
anualmente lo trata di bay biba na Hulanda.

“Tin trabou, tambe trabou cu hopi bes hende ta nenga na nan mes luga. Pero no tin

cas. Hasta studiantenan ta haya nan mes den problema y universidadnan y instancia ta
na careda,” a sigura DIARIO.

E advertencianan cu DIARIO a ricibi ora studiantenan a bay Hulanda, lo tin mas motibo

awor cu economia na varios pais a bay atras.

E parti mas grandi cu ta busca trabou na Hulanda ta di paisnan Europeo mes.

Ta conseha personanan pa mira den cual ciudad nan ta bay biba y pa evita ciudadnan
cu hopi bes ta hinca migrantenan den problema pa nan situacion social scondi.