Page 31 - ATA

Aruba Airlines a ricibi nan propio avion

CRJ-200 awe tardi

Posted on 06/13/2019 7:46 pm AST | Updated on 06/13/2019 8:20 pm AST

ORANJESTAD – Aruba Airlines a ricibi nan avion propio, e CRJ 200 fabrica door di e
compania Bombardier diahuebs atardi. E tin un capacidad di 50 asiento y garantiza un
compartimento di ekipahe mas espacioso cu e actual CRJ, pa acomoda 50 maleta di size
normal na un peso di 23 kg cada uno.

Despues di mas of menos 1 aña di negosacion extesno, Aruba Airlines a logra pa keda cla
pa reemplasa e avion CRJ cu ta un wetlease di Voyager Airlines di Canada pa su propio
CRJ-200. E CRJ-200 tin un registracion di P4 dus cu ta cay bou di responsabilidad di
Aviacion Civil di Aruba. Loke esaki ta haci awor ta cu e ta habri posibilidad pa por
emplea piloto y mechanico local. Actualmente tin cabina personal local pero cu pilotonan
Canades riba e leased CRJ. Esun awor, lo tin su propio personal local.

Prome cu por introduci e avion aki, lo tin cu cumpli cu algun rekisitonan mara na leinan
di aviacion p.e. proving runs, touch & go etc. E avion tin cu wordo certifica pa por haci
su buelonan commercial cu ta e buelo nan entre otro Aruba, Corsou, y Bonaire y trahando
riba destinacionan nobo cu lo wordo anuncia despues. Tambe Aruba Airlines ta en espera