Page 39 - ATA

Gobiernonan di diferente asignatura cu ta bay bek te na Status Aparte y inicio di e boom
di turismo den Caribe. Ambos a ehecuta varios estudio Acadamico y a presenta e
resultadonan aki na Gobiernonan di e tempo ey cu e proposito pa forma un maneho di
Turismo Sostenibel.

Awe despues di casi 15 aña cu e estudio aki a keda presenta nan lo duna nan
conclusionnan na unda nos isla ta para awor den comparacion cu unda nos lo ta si nos a
sigui e consehonan presenta den nan estudio di 2004. Cu otro palabra un charla
sumamente educativo y informativo.

Un conferencia di prensa interesante cu a duna un sabor di kico ta spera pueblo awe den
sala di Cas di Cultura.

Preparacion ta andando pa lunas caba p’e conhunto di individuo experto aki presenta den
e panel y asina contribui n’e simposio.

Movimento RAIZ ta extende un cordial invitacion na pueblo di Aruba en general pa yega
na Cas di Cultura y asina informa nan mes riba e topico sumamente interesante aki pa di
e forma aki cada persona por forma nan propio opinion riba e topico y por participa den
discusion sano pa yuda structura e Aruba Sostenibel pa cu su turismo.

E simposio lo tin un duracion di 3 ora y lo cuminsa pa 7or di anochi en punto.

RAIZ ta enfatisa cu esaki NO ta un evento politico y cu e ta un evento organisa pa henter
pueblo di Aruba y tur persona cu ta specificamente interesa den e tema di Turimo y di
Sostenibilidad.

Pa mas informacion por subi e webpage www.raizaruba.com of e fan page di RAIZ riba
facebook