Page 13 - MIN VOS

Campeonato di Federacion di
Volleyball AVA a cuminsa

15 February, 2017
0

Recientemente e federacion di volleyball, Aruba Volleyball Association, a inicia
cu nan campeonato di volleyball 2017 den e categorianan masculino y
femenino. Tur aña e federacion di AVA ta promove volleyball bou di nos hoben y
adolescentenan cu kier sigui desaroya nan mes den e deporte aki. E federacion
ta trahando duro pa engrandece e deporte y nivel di nos hungadonan. Pa e
motibo aki tambe AVA a introduci un entrenador profesional di Hulanda cu a bin
yuda cu e preparacion di nos seleccionnan nacional como tambe contribui cu su
experticio na e deporte den su totalidad. Aña pasa varios di nos seleccionnan
nacional a competi den torneonan internacional y a gana e experiencia
necesario. Na e campeonato 2017 di AVA a start varios ekiponan masculino y
femenino, cual ta un bon señal cu e vision cu e federacion kier logra.
E aporte financiero di Lotto, e loteria di Aruba via Comision di Subsidio na e
federacion di volleyball ta pa organisa nan campeonato sin ningun obstaculo.
Ambos instituto ta kere fielmente den promove cualkier deporte cu lo yuda na
haya mas hoben pa bira un atleta y volleyball sigur lo gosa di e sosten aki.
Un danki sigur na Lotto, e Loteria di Aruba pa medio di Comision di Subsidio cu
ta subsidia e campeonato 2017 organisa pa AVA.
Cumprando weganan di Lotto, e Loteria di Aruba bo ta contribui na deporte riba
nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di
donacionnan na e Comision di Subsidio.