Page 2 - ARUBA BANK
P. 2
Entre 800 pa 900 cliente a busca nan
plachi di auto riba prome dia
Posted on 01/9/2019 5:12 pm AST | Updated on 01/9/2019 5:14 pm AST
ORANJESTAD – Departamento di impuesto a procesa entre 800 pa 900 cliente cu a bin
pa paga nan plachi di number riba e prome dia cu esaki tabata posibel. Mainta tempran
tabatin rijnan relativamente largo cu a bay te pafo. A pone tent unda cu a kere cu tabatin
mester, pero a resulta cu mester a pone mas. Director di impuesto Luenne Gomez Pieters
a confirma cu a pidi caba pa mas tent, pa evita hende para den solo. En general tur cos a
cana bon, aunke cu aki aya algun persona a cuminsa keha, sapatia, y pone cos riba
Facebook y a yama minister pa keha. Mientrastanto, e volume di hende a baha y pa 5’or e
edificio tabata blo bashi, siendo cu e departamento lo ta habri te 8’or di anochi non stop
henter e dianan aki y diasabra te cu 6’or. Pues hendenan por a probecha di bin atardi, y
haci nan pago trankil. Manera ta conoci pa e proximo simanan lo tin un schedule pa
esnan cu a paga delanta caba, pa duna nan e cortesia.
