Page 13 - ARUBA BANK 28 JAN 2017

CMB ta introduci Bancomatico “Contactless” Smart Card:
un primicia pa Aruba y Antiyas.

Friday, 27 January 2017 19:04
Comparti

CMB ta reenforsa su aliansa MasterCard Worldwide y ta lansa riba mercado e prome “Contactless
Smart Card” di Bancomatico. Na aña 2010, CMB y MCB Group tabata e prome banconan na Aruba y
Antiyas cu a introduci tecnologia Smart Card EMV Chip pa su clientenan y asina percura pa mucho
mas siguridad durante transaccionnan, awor ta introduci un upgrade pa esaki.

E Bancomatico Contactless Smart Card ta usa e asina yama “Near Field Communication (NFC)” pa
comunica cu terminalnan di pago rond mundo cu ta setup pa haci transaccionnan asina. Na
momento cu bo usa un tarheta di Bancomatico cu ta contactless na un terminal di pago cu ta acepta
esaki, e no ta necesario pa bo swipe. Bo ta solamente tene e tarheta banda di e “reader” cu ta na e
machine y bo lo scucha un “beep” of e screen di e machine lo cende cu un lus indicando cu e
transaccion a tuma lugar. Transaccionnan asina aki di Afl. 45.00 of menos lo pasa hopi rapido y sin
usa un PIN-code, mientras cu transaccionnan entre Afl. 45.00 y 90.00 lo rekeri toch un PIN-code.
Tur transaccion cu ta riba e suma di Afl. 90.00 lo wordo haci manera di custumber, esta usando e
EMV-chip den e machine di pago, y unda cu por ainda lo swipe e tarheta. Pagonan cu e sistema di
“contactless” ta ganando popularidad rond mundo , paso nan ta facil, rapido y sigur. E tecnologia aki
ta especialmente util den localidadnan unda mester paga cu rapidez y volumen halto, manera por
ehempel cinema, bar y cafés, panaderia, snack truck y otronan. E ta brinda mas confiansa tambe na e
doño di e tarheta, paso e chens cu e ta cana bai y laga su tarheta atras ta hopi menos. Cuminsando
den prome kwartaal di 2017, tur Bancomatico nobo y tambe esnan cu wordo renoba lo bin cu e chip
aki di NFC (Contactless.) Bo lo reconoce bo Bancomatico Contactless Smart Card, paso e lo tin un
logo berde chikito den e hoeki drechi ariba parti dilanti. Mas laat den aña lo cuminsa instala tur e
terminalnan di pago (Point of Sale Terminals) nobo den tur negoshi cu ta traha cu CMB na Aruba y
tambe riba tur islanan di Antiyas. E terminalnan nobo aki lo contene e reader necesario pa por
acepta y procesa tur tarhetanan cu ta usa e contactless chip. Mientrastanto clientenan di CMB por
usa nan tarheta nobo di Bancomatico full rond mundo unda cu ta acepta transaccionnan di Maestro
contactless. Na e momentonan aki, e technologia aki ta hopi mas comun na Europa y por reconoce
esaki pa medio di e logo Maestro cu ta acompaña pa e simbolo berde di contactless. Si tin cualkier
pregunta, por fabor tuma contact cu nos via nos pagina web cmbnv.com y usando eAmigo.