Page 21 - MIN SJA 11 MARCH 2017

Falta solamente 4 siman mas pa e evento boluntario mas grandi na Aruba, ARUBA DOET. Un
total di 3328 boluntario lo tin mester pa por completa tur e proyectonan pa ARUBA DOET
2017. 1447 boluntario ta bini for di e organisacionnan social mes. Nos ta buscando 1881
boluntario mas pa yuda e organisacionnan social completa nan trabou of actividad di ARUBA
DOET.

Abo kier duna un man riba diabierna 10 y diasabra 11 di maart? Abo kier duna un man na e
comunidad social di Aruba? Haya un satisfacion enorme? Celebra e di cinco edicion di ARUBA
DOET hunto cu nos? Awel, forma parti di e evento boluntario mas grandi na Aruba! Participa
como persona individual of den grupo hunto cu famia, amigo of coleganan. Cada boluntario lo
haya su t-shirt y un certificado di participación. Tambe lo tin un cap special pa nos edición di 5
aña.

Bishita nos website www.arubadoet.com y inscribi awor como boluntario na e trabou of
actividad di bo gusto! Si bo ta haya un proyecto interesante, por tuma contacto directamente cu e
organisacion concerni y inscribi online. Un persona por inscribi tambe pa full un grupo di
boluntario of pa un compania. Si tin preguntanan specifico, por ehempel tocante registracion
online, tocante conseho, etc. por tuma contacto cu CEDE Aruba y pidi pa e team di ARUBA
DOET na 5827666 of manda nos un mail na info.arubadoet@gmail.com. E accion di DOET ta
tuma lugar na Hulanda (NL DOET), Aruba (ARUBA DOET), Curaҫao (CURA DOET), Bonaire
(BON DOET), Sint Maarten (SXM DOET y Statia (STATIA DOET).

http://earubianonews.com/2017/02/13/inscribi-y-yuda-realisa-197-proyecto-durante-aruba-doet/