Page 73 - AHATA

ORANJESTAD(AAN): Taxistanan ta sumamente rabia y preocupa na aeropuerto,
pasobra nan ta wordo molestia door di siguridad. Taxistanan a tuma contacto cu prensa

y a avisa cu constantemente tin problema eynan, pasobra hendenan ta bin bende nan
algo di come, un sopi of algo. Taxistanan ta riba caya trahando henter dia y cada biaha
nan ta wordo cori inhustamente.

E bendedornan ta wordo cori. Nan ta bin bende cuminda, pero nan no kier duna nan

autorisacion pa nan ta eynan. Unda cu nan bay nan ta core cu nan.

Taxistanan ta keha pasobra nan no tin unda pa cumpra cuminda. Y nan ta bin pa e

taxistanan. Na aeropuerto nan ta bende nan un kofi pa 4 dollar americano.

Un di e taxistanan a comenta cu e no ta compronde pakico. Ta cuminda Arubiano e ta.
No ta cuminda di Chines nan ta bende. Ta cos bon y saludabel.

Pakico nan mester core cu nan, e ta cuestiona. Y riba un prijs cu e taxistanan por paga.

Dia cu nan a traha e pida parti pazuid caminda cu e taxinan ta sinta, nan a bisa e

taxistanan den reunion paden den aeropuerto, cu nan ta haya cos di come, cos di bebe
y mester paga pa nan drenta.

E taxistanan no a haya ni coi come, ni coi bebe. Nan a pone algo di $2 pa un refresco.
Ningun hende no a worry cun’e mas. Awo hende ta bin bende pafo, bao di un palo, y

nan ta core cu nan.

Loke nan ta bisa, ta pasobra nan mester di vergunning y nan kier pa e taxistanan cana

for di unda nan ta bay te p’ariba y busca cuminda. E ora nan ta perde nan biahe. Locual
nan ta haciendo, ta pasobra nan tin autoridad pa saca nan for di unda nan ta.