Page 68 - HOH

ORANJESTAD (AAN): Recientemente Plataforma Promocion di Salud y Fundacion
Cosecha cu ta e fundacion cu ta promove arte local a organisa dos tayer “Art and Chat”

specialmente pa hobennan entre 15 pa 25 aña di edad.

Obhetivo di e tayernan aki tabata pa duna e hoben informacion con pa anda cu stress y
con pa uza arte como medio pa deal cu stress. Art and Chat, Biba Stress Free tabata e

mensahe principal di e atardinan di arte y Salud Mental den cual Dr. Sharline Vis
(Dokter di cas) a duna e hobennan un splicacion cortico di kico ta Stress, a splica cu e
ta forma parti di Salud Mental y cu ta bon pa ta conciente di e condicion di salud aki.

Stress ta un reaccion normal riba situacionnan den bida cu ta dificil pa maneha y of un
reaccion riba situacionnan cu ta rekeri di nos atencion of accion inmediato. E reaccion di
stress t’ey pa nos por actua den un situacion di peliger. E curpa ta reacciona cu e “fight
or flight, response”.