Page 40 - HOH

DNM Ta Aclaria E Conseho Cu Nan A Duna Minister

Riba E Solucion P’e Maneho Di Desperdicio

 Local
- 06/08/2019

Den un entrevista haci na Director di DNM, ir. Gisbert Boekhoudt a splica un poco riba e
conseho cu DNM a duna e Minister concerni pa loke ta trata e desperdicio cu ta caba riba
dump di Parkietenbos.

Director di DNM su conseho ta enfaticamente pa un solucion riba termino cortico. E
solucion ta, riba termino cortico, un convenio cu e compania EcoGas pa 2 aña. Pero no a
bisa of sugeri cu solamente e compania EcoGas t’esun cu ta bin na remarca p’e solucion
pa termino largo.

E seleccion di e metodologia di procesamento di sushi mester bay na un manera mas
moderno y cu ta brinda solucion duradero. Aruba a sali cu un RFI (Request for Interest) -
pa bin cu un solucion mas duradero cu ta uno di waste to energy.

Minsterio ROIM a pidi pa un conseho di categoria di emergencia, un spoed advies, p’e
solucion riba termino cortico pa percura p’e sushi cu ta caba riba e dump na Parkietenbos
stop.

Asina cu e bulto ta menos cu 70%, lo dirigi e parti di comercio y sushi di cas pa
companianan cu ta gescreen localmente pa procesa e sushi menciona.

Den e proceso aki, di termino cortico, ta 3 compania tin cu ta haci e tipo di trabou desea.
Di cual e compania EcoGas tabata esun cu tin un sistema avansa pa acapara e
problematica.