Page 14 - AWEMAINTA

14 AWEMainta Dialuna, 27 Maart 2017

Michella Steenvoorde-Lacle di POR:

Con pa stimula muchanan

lesa mas buki (Parti 1)

KICO ta aumenta e probabilidad cu un mucha ta experiencia lectura
como algo positivo? Esaki ta depende di varios factor.
Stichting Lezen (https://www.lezen.nl/succesfactoren-leesbevordering)
ta distingui, a base di estudio cientifico, ocho factor di exito pa pro-
mocion di lectura y di educacion di literatura.
Cuater di e factornan di influencia tin conexion cu e espacio cu ta lesa
e buki. (Leesomgeving).

Segun Lacle, tres di e factornan aki ta referi na e manera cu e docente
ta stimula lesamento, pues e enfoke didactico.
E factor di exito cu ta contribui na obtene experiencianan positivo di
lectura, crea un actitud positivo, y posteriormente fomenta habitonan
di lectura y abilidadnan di lectura tin conexion cu e differentiatie di e
diferente nivel di dificultad di e bukinan ofreci na e alumno.

E 8 PUNTONAN DI EXITO TA:
1. E variacion di buki cu ta ofrece na e mucha (boekenaanbod);
2. Asistencia profesional (un cuerpo di docente, bibliotecario, ayudante
pedagogico);
3. E ayudo y sosten di e mayornan y amistad;
4. Tempo y atencion di lesa: buscando un luga trankilo y un momento
trankilo pa esaki;
5. Voorlezen, tanto den klas como na cas;
6. Vrijlezen;
7. Combersa, medita y elabora riba e buki;
8. Differentiatie.

BOEKENAANBOD
E lectura ta ascende segun e estudiante ta conta cu un un variedad di
materialnan di lectura na su disposicion. E presencia di bukinan den
un hogar, y tambe na scol y e facilidad di por rekeri na un Biblioteca,
ta conduci na aumenta e conocemento di bukinan y di e oportunidad
pa fomenta e lesamento cerca e hoben. Ta importante conecta e buki cu
bida y e nivel di lectura cu e mucha ta domina, Michella Steenvoorde-
Lacle a duna di conoce.