Page 5 - WEB
P. 5
N.V. ELMAR: TESTNAN DI
CORIENTE A CAUSA
INTERUPCION
4 September, 2018, 11:48 am
1
Diamars Mainta a habri cu un fayo den suministro di coriente cu a causa cu varios area,
manera Dakota, Sabana Blanco, Aeropuerto, Oranjestad un parti, Noord un parti y Palm
Beach a keda sin coriente. Albertico Koolman di N.V. Elmar a confirma cu nan a
experiencia un fayo inespera net na momento cu nan tabata haciendo algo prueba hunto
cu tecniconan di Hulanda.
E tecnico di N.V. Elmar a splica cu ta hayando ayudo tecnico di Hulanda pa actualisa e
sistema di proteccion di tur e “substation” nan di nos compania nacional di distribucion di
coriente. Awe mainta precisamente nan tabata haciendo algun test pa por manda e
sistema nobo “live”. Pero precisamente den e testmento aki a presenta un fayo den un di e
kabelnan entre WEB y Elmar. E fayo a causa cu dos “trafohuis” a cay for di circulacion y
como tal e areanan unda ta distribui coriente a conoce un interupcion mesora.
