Page 53 - WEB

Poco poco ta duna oido na e situacion di e trahadonan. Ta dos departamento crucial di Dr.

Horacio Oduber Hospital. Ta un area crucial cu tabata plat, pero solamente emergencia ta

wordo atendi. Gina Maduro a splica cu director a papia cu e trahadonan y e opcionnan cu

tin awor aki, cual ta tres. Ta dos departamento, cada hefe a bay cu nan departamento y tin

tres opcion. Manera e camber di operacion, opcion 1, esun cu si ta sinti cu por traha, ta

bay traha bek na operatie kamer. Operatie cinco si ta trahando pa emergencia. Operacion

ta bay door. Solamente un camber ta operando. E opcion dos, esun cu ta sinti cu tin keho,
cu no por traha, cu ta sinti malo, ta pasa SEH pa wordo registra y ta bay cas y opcion 3,

pa esunnan cu tin problema pero por bay otro departamento pa yuda pa traha. E

trahadonan aki no ta nenga di traha, nan a bin pa traha, pero door di e situacion laboral

nan no por eherce nan trabao. Esey ta pasa cu radiologia tambe.

E problema tabata tey dialuna y diamars ainda tey. E holo, segun Maduro, tabata hopi

fuerte. No ta tur trahado ta bira malo, tin mas vulnerabel cu otro. Cu e ta fastioso, e ta.

REACCION DI MINISTER

A manda e minister un e-mail y el a contesta cu el a tuma nota y e ta preocupa. E tambe a

compronde for di hospital cu lo soluciona, pero no tin solucion ainda pa e problematica
aki. E lo yama pa un reunion urgente cu tur stakeholder. Ta pending pa esey.

SOGA

Tin di compronde cu e situacion aki a busca manera pa adapta e sistema caba, pero te

ainda, cada biaha e problema ta presenta. Probablemente e solucion final ta muda e

sistema cu ta causando e problema. Segun Gina Maduro, ABV lo para duro pa esaki.