Page 21 - FDLP

A19
DEPORTE Diaranson 29 augustus 2018

Shariska Winterdal lo core 500 km riba bicicleta pa un bon causa

ORANJESTAD – Dia 15 di
december pa 4or di atardi,
e atleta femenino Sharis-
ka Winterdal lo inicia cu
kisas e reto mas grandi
den su bida como depor-
tista unda e lo cuminsa
e recorido di 500km riba
bicicleta, un hazaña cu lo
dura aproximadamente 20
ora.

Pa 12or di su diasabra merdia
dia 16 di december e lo mes-
ter crusa e meta final. Sharis-
ka Winterdal lo ta coriendo
pa un bon causa unda cuater
mucha menos afortuna lo
haya e donacion recauda.

Shariska a conta nos cu e aña
aki David Polanco a acerca
mi persona cu un reto grandi
y mirando cu mi ta practica
bicicleta hopi e ultimo tem-
po nos a dicidi di ban cu e
challenge pa mi core 500km.
Prome biaha un distancia
asina largo lo wordo cori na
Aruba y pa cu esey mi ta hopi
excita pa mi haci esaki, door
mi ta bon den entrenamen-
to, demostrando progreso
tur dia. Pa loke ta e dia di e
evento mi lo wordo acompa-
ña pa hopi hende y tur hende
ta welcome pa sostene mi y
apoya mi.
E programa radial The Power
Wake Up Show dirigi pa Nen
Flores y Marlienne "Jentje"
Lyder ta e personanan encar-
ga pa eligi e cuater muchanan.

Aña pasa e atleta David Po-
lanco di Stichting Frank Po-
lanco a haci e hazaña di core
100 km na pia cual sigur ta-
bata un logro historico y tam-
be alabes yuda esunnan den
necesidad cual e fundacion ta
para pe.
Pa David Polanco semper
Shariska tabata un ehempel
y un inspiracion pa hopi ser
femenino na Aruba. Sigur
no tabata tin un miho ser
femenino pa acerca cu ta
Shariska pa haci e reto di
500km aki. Fundacion Frank
Polanco ta gradici Shariska cu
a tuma e reto aki y mesora a
acepta di bay pe. Pa tur cu ta
interesa di haci un donacion
por haci esaki libremente ya
cu cada kilometer lo costa 50
florin.