Page 76 - FDLP
P. 76
E parti di Funstacle por registra via nan website. Un total di 100 atleta lo
participa den e “FitVille 2018”. E registracion pa Funstacles ta habri via di nan
Facebook page, y tambe ta tuma registracion ariba diabierna 7 di September
2018 na e Harbor Arena durante e anochi di Kick-off di e gran weekend di
evento aki. E evento lo conta cu atletanan representando 4 box di crossfit local
y 6 box internacional. E evento lo conta cu atletanan local como internacional,
variando entre edad 16 – 50 aña, cu ta bin di entre Merca, Surinam, Suecia,
Trinidad & Tobago, Republica Dominicano y Puerto Rico. Pa loke ta e parti di
crossfit, esaki si a cera caba.
Como parti di e evento, lo tin un “Wellness Park Zone” cu diferente actividad
manera yoga, zumba, pole dancing, etc. Tambe IBiSA lo host un “Dodgeball
competition” entre hobennan di scolnan secundario, bus di salud lo t’ey
presente, ademas lo tin “Disney & Recreation” pa entretene e muchanan y lo tin
un Vendor Village, Food Village bon surti. Musica no ta bay haci falta, cu
entretenimento di Nutzbeats, Honey Pot y mas.
Aruba Bank lo facilita mashinnan di pago (POS) pa cuminda y bebida y ta invita
comunidad di Aruba pa yega e 3 dianan aki pa experiencia y disfruta di e
competencia di fitness y di actividadnan cu lo tin pa henter famia. Exito na e
organisadonan y tambe na tur e atletanan cu lo competi den “Fitville 2018”.
https://masnoticia.com/tur-cos-ta-cla-pa-e-fitville-competition-2018/
