Page 30 - FDLP
P. 30
ARTBO Su Training Pa Faha Preto Tabata Exitoso
Deporte
- 13/05/2019
Diasabra ultimo tabatin training organisa pa ARTBO pa tur esnan cu ta den e fase pa haci
examen pa 1 dan te cu 5 dan. E training a tuma lugar na Skol Primario Kudawecha bou
guia di Master Melvin Rasmijn y su asistente Joshmar Wever.
E training a cuminsa for di 2’or te cu 6’or y mey di atardi y varios atleta di varios skol di
Taekwondo na Aruba a asisti n’e training.
Master Melvin Rasmijn a splica y mustra tur cos cu ta parti di examen y di su origen.
Hopi hende ta train sin sa pakico of for di unda a crea e tecnica of for di unda Taekwondo
a bin.
Master Melvin Rasmijn a splica e 10 one stepnan y con nan ta hinca den otro y ki ora ta
haci uso di e tecnica.
Durante e training Master Melvin Rasmijn a mustra con por kibra un caida ora bo ta bay
cay. A haci e Poomseanan y a corigi esnan cu tabata haci esakinan fout.
